قصيدة طالبك للشاعر محمد بن جارالله السهلي

قصيدة طالبك للشاعر محمد بن جارالله السهلي


ليت لي حيله واجي واحتال بك
وليت ماقلت بحياتي ليتني

يابري حالي ليا من مال بك
التغنج والدلع لاجيتني

دوم احس انه نعاسك غالبك
معنّي رموشك وانا عنّيتني

بس ذا المره ماطاب الفال بك
جيت ولدرب الجفا حدّيتني

لكن اسمع هالشعر وش قال بك
دام صبت اللي تبي واخطيتني

الغلا حقك ولاني سالبك
ابسط حقوقك ولو مليتّني

شوف عيني يوم دمعي سال بك
ضمّتك حتى ولو ابكيتني

وانت رغم اني شغلت البال بك
سلت مع دمعك ولاضميتّني

كان به شي عليّه قالبك
بطلبك حاجه اذا خليتّني

لانويت تحب غيري طالبك
لاتحبه كثر ماحبيتني